asd
ناطحة سحاب لابسة طاقية الاخفا
حكومة كوريا الجنوبية وافقت على انشاء المبنى المجنون دا اللى اسمه " المالانهاية " , المبنى دا بقى بيمتاز بشوية حاجات غريبة اوى كالتالى
اول حاجة انه هيبقى غير مرئى و عشان هما ناس بتفكر فطريقة اخفاؤه سهلة خالص بس طبعا مش باسلوب ياما فى جرابك يا حاوى ابسلوتلى دا باسلوب بسيط خالص مش هيكلف اصلا
الطريقة انهم يخفوا المبنى كانت عن طريق كاميرات تنقل اللى موجود خلف المبنى دا و يتعرض على شاشات LCD عملاقة موجودة على جدار المبنى فيبقى انت كدا لما تيجى تبص للمبنى هتشوف اللى الكاميرات بتصوره فمش هتقدر تشوف المبنى اصلا يا زيدى ع التفكير
طب الكلام دا لو انت واقف جمبه طيب اللى من بعيد بقى هيبقى ازاى ! : طبعا مسكتوش عن الموضوع دا و كان حله انهم ان المبنى مصمم بزوايا بابداع شديد جدا عشان تعكس السماء المحيطة بيها فاللى يشوف المبنى من بعيد كأنه مش شايف حاجة
شوف الانبهار التالت دا كمان ان المبنى مش هيبقى فى مدينة سيول ! بالعكس دا هيبقى بالقرب من مطار إنشيون الدولى يعنى هيحط مبنى مختفى جمب مطار
ارتفاع المبنى هيوصل ل 450 متر ولما يكتمل بناؤه هيبقى من اطول عشر ناطحات سحابة فى العالم ! الحمد لله عندنا برج القاهرة
المبنى من تصميم شركة GDS Architect و المبهر كمان ان التصميم دا الشركة كسبت بيه فى مسابقة سنة 2004 بس الحكومة وافقت على بناؤه خلال الصيف اللى فات دا
Posted in: skyscrapers
0 التعليقات:
Post a Comment